Trupa gjyqësore e Gjykatës Kushtetuese të Shqipërisë, e kryesuar nga Kryetari i saj Vladimir Kristo gjendet për një vizitë disaditore në Gjykatën Evropiane të të Drejtave të Njeriut në Strasburg.
Sot gjyqtarët kushtetues shqiptarë janë pritur nga Kryetari i Gjykatës Evropiane të të drejtave të Njeriut, zoti Jean-Paul Costa.
Gjatë bisedimeve është evidentuar dhe fakti i kërkesave gjithnjë në rritje të individëve shqiptarë drejt Strasburgut. Kryetari Jean –Paul Costa vuri theksin në nevojën e marrjes së masave nga shteti shqiptar për të ekzekutuar vendimet përfundimtare të gjykatave, në mënyrë që në Gjykatën e Strasburgut të shkojnë sa më pak kërkesa me objekt të tillë.
