| Bookmark and Share
Përbërja
Gjykata Kushtetuese përbëhet nga 9 anëtarë të emëruar me një mandat 9-vjeçar, pa të drejtë riemërimi. Gjyqtarët kushtetues emërohen nga Presidenti [...]

Aktivitete me rastin e 100 vjetorit të “Ditës së Drejtësisë”, 10 maj 2013

Në kuadrin e “Javës së Drejtësisë”, të organizuar me rastin e 100-vjetorit të Ditës së Drejtësisë, Gjykata Kushtetuese e Republikës së Shqipërisë organizoi në datën 9 maj një sërë aktivitetesh.

Me këtë rast, Gjykata Kushtetuese zhvilloi Ditën e Hapur për publikun, në të cilën morën pjesë studentët e Fakultetit të Drejtësisë dhe Magjistraturës si dhe vizitorë të ndryshëm.

Në ambientet e Gjykatës u ekspozuan foto nga aktivitete, brenda dhe jashtë vendit, të anëtarëve dhe ish-anëtarëve, si dhe u transmetuan me video-projektor pamje lidhur me historikun e Gjykatës dhe të aktiviteteve të saj. Gjithashtu, u ekspozuan në një kënd të veçantë dhe  botime të GJK dhe të gjyqtarëve ndër vite.
Më pas, në ambientet e Hotel Rogner, u organizua seminari me temë “Roli i Gjykatës Kushtetuese në shtetin e të Drejtës”, me pjesëmarrjen e anëtarëve dhe ish-anëtarëve të Gjykatës Kushtetuese, gjyqtarëve kushtetues të Gjykatës Kushtetuese të Kosovës, konstitucionalistëve dhe stafit të Gjykatës. Në seminar referuan lidhur me temën Kryetari i Gjykatës Kushtetuese, z Bashkim Dedja, ish-kryetari  i Gjykatës, z. Rustem Gjata, Kryetari i Gjykatës Kushtetuese të Kosovës, z. Enver Hasani, Kryetari i Gjykatës së Lartë, z.Xhezair Zaganjori, si dhe pati diskutime nga pjesëmarrësit.
Seminari u organizua në bashkëpunim me Fondacionin “Hanns Seidel”.
 
 
Fjala e plotë e Kryetarit të Gjykatës Kushtetuese, z Bashkim Dedja

 

© 2017 Gjykata Kushtetuese e Republikes se Shqiperise. Te gjitha te drejtat e rezervuara.