Përbërja
Gjykata Kushtetuese përbëhet nga 9 anëtarë të emëruar me një mandat 9-vjeçar, pa të drejtë riemërimi. Gjyqtarët kushtetues emërohen nga Presidenti [...]

Takim i Kryetarit të Gjykatës Kushtetuese me zëvendësit e Ombudsmanit të Republikës së Kosovës, 21 qershor 2018

Kryetari i Gjykatës Kushtetuese të Republikës së Shqipërisë, zoti Bashkim Dedja, priti në një takim zyrtar në selinë e kësaj gjykate një delegacion të përbërë nga zëvendësit e Ombudsmanit të Republikës së Kosovës, të cilët shoqëroheshin në këtë takim edhe nga znj. Erinda Ballanca, Avokati i Popullit të Republikës së Shqipërisë.

Gjatë këtij takimi, z. Dedja bëri një përmbledhje të situatës në të cilën ndodhet aktualisht Gjykata Kushtetuese, duke u ndalur në rëndësinë që mbart reforma në drejtësi, veçanërisht përsa i përket rritjes së besimit të publikut të zakonshëm tek organet e drejtësisë. Nga ana e tyre, përfaqësuesit e Ombudsmanit të Republikës së Kosovës paraqiten në mënyrë të detajuar mënyrën e organizimit dhe funksionimit të këtij organi kushtetues, duke u ndalur në çështjet më të rëndësishme të trajtuara, si dhe në prioritet dhe sfidat për të ardhmen.

© 2018 Gjykata Kushtetuese e Republikes se Shqiperise. Te gjitha te drejtat e rezervuara.