| Objekti: | Konstatimi i shkeljes së procesit të rregullt ligjor, konkretisht të së drejtës për tiu drejtuar (aksesi) dhe së drejtës për tu dëgjuar e gjykuar nga gjykata e posaçme e caktuar me ligj.
Hetimi dhe gjykimi brenda afateve të arsyeshme për subjektet dhe veprat e posaçme penale referuar nenit 75/a të Kodit të Procedurës Penale.
Konstatimi i shkeljes së barazisë para ligjit, i cenimit të së drejtës së jetës, të familjes, të sigurisë juridike, të dinjitetit dhe i dhunimit të thelbit të të drejtave themelore të garantuara nga Kushtetuta dhe Konventa Evropiane për të Drejtat e Njeriut.
Shfuqizimi i vendimit të datës 08.10.2021 të Prokurorisë së Posaçme Kundër Korrupsionit dhe Krimit të Organizuar dhe i vendimeve nr. 11/505 akti, datë 21.01.2022 të Gjykatës së Posaçme të Shkallës së Parë për Korrupsionin dhe Krimin e Organizuar; nr. 52, datë 29.03.2022 të Gjykatës së Posaçme të Apelit për Korrupsionin dhe Krimin e Organizuar; nr. 00-2022-709, datë 23.06.2022 të Gjykatës së Lartë, si të papajtueshme me Kushtetutën e Republikës së Shqipërisë.
Pezullimi i zbatimit të tyre, duke urdhëruar ngritjen e çështjes së mosmarrëveshjes lëndore përpara Gjykatës së Lartë dhe çdo masë tjetër të përshtatshme për rivendosjen e të drejtave themelore ndaj kërkuesit dhe të afërmve të tij, të cilët kanë ose duhet të kenë statusin e viktimës në një çështje penale.
|
