| Objekti: | Shfuqizimi i vendimit nr. 00-2024-904, datë 21.05.2024 të Kolegjit Penal të Gjykatës së Lartë, i lidhur me rekursin ndaj vendimit nr. 2000 (30-2023-7621), datë 01.11.2023 të Gjykatës së Apelit së Juridiksionit të Përgjithshëm, i lidhur me ankimin ndaj vendimit nr. 2223, datë 02.10.2023 të Gjykatës së Shkallës së Parë të Juridiksionit të Përgjithshëm Tiranë, si i papajtueshëm me Kushtetutën e Republikës së Shqipërisë.
Konstatimi i shkeljes/privimit të lirisë në caktimin në mënyrë të papërshtatshme dhe joproporcionale të masës së sigurimit personal me karakter shtrëngues Arresti në shtëpi, në përputhje me parashikimet detyruese të Kushtetutës, Konventës Evropiane për të Drejtat e Njeriut, Paktit Ndërkombëtar për të Drejtat Civile dhe Politike, Kodit të Procedurës Penale, vendimeve të Gjykatës Evropiane për të Drejtat e Njeriut, vendimeve të Gjykatës Kushtetuese, vendimeve unifikuese të Kolegjeve të Bashkuara të Gjykatës së Lartë, vendimeve të Kolegjeve Penale të Gjykatës së Lartë, në respektim të të drejtave të patjetërsueshme themelore të njeriut, në përputhje me legjislacionin penal në fuqi dhe procedurën penale të konsoliduar ndër vite.
Konstatimi i statusit të viktimës të kërkuesit gjatë procesit gjyqësor si pasojë dhe rrjedhojë e drejtpërdrejtë e shkeljes për shkak të vendimeve nr. 2223, datë 02.10.2023 të Gjykatës së Shkallës së Parë të Juridiksionit të Përgjithshëm Tiranë, nr. 2000 (30-2023-7621) datë 01.11.2023 të Gjykatës së Apelit së Juridiksionit të Përgjithshëm, nr. 00-2024-904, datë 21.05.2024 të Kolegjit Penal të Gjykatës së Lartë.
Rehabilitimi dhe zhdëmtimi në përputhje me ligjin, pasi dëmi/dëmtimi është shkaktuar/ka ardhur për shkak të vendimeve nr. 2223, datë 02.10.2023 të Gjykatës së Shkallës së Parë të Juridiksionit të Përgjithshëm Tiranë, nr. 2000 (30-2023-7621) datë 01.11.2023 të Gjykatës së Apelit së Juridiksionit të Përgjithshëm, nr. 00-2024-904, datë 21.05.2024 të Kolegjit Penal të Gjykatës së Lartë.
Dërgimi i çështjes për rigjykim në Kolegjin Penal të Gjykatës së Lartë, me një tjetër trup gjykues.
|
