Me rastin e ditës së drejtësisë, në datën 10 maj 2022, nga ora 10:00 – 14:00, Gjykata Kushtetuese e Shqipërisë do të organizojë në ambientet e saj disa prezantime informuese në kuadër të “Ditë e hapur në Gjykatën Kushtetuese”. Përgjatë kësaj dite, studentë nga fakultete të ndryshme të drejtësisë, nëpërmjet bisedave dhe takimeve me gjyqtarët kushtetues, do të kenë mundësi të njihen me nga afër me veprimtarinë e përditshme të Gjykatës Kushtetuese, me mënyrën e organizimit dhe të funksionimit te saj.
