Kryetari i Gjykatës Kushtetuese, Z. Bashkim Dedja priti sot, në një takim zyrtar, Prof. Sergio Bartole, anëtar i Komisionit të Venecias, dhe Z. Schnutz Rudolf Dürr, Drejtues i Divizionit për Drejtësinë Kushtetuese, në Komisionin e Venecias.
Vizita e përfaqësuesve të Komisionit të Venecias u zhvillua në kuadrin e aktiviteteve të organizuara nga Gjykata Kushtetuese me rastin e 15-vjetorit të Kushtetutës së Republikës së Shqipërisë.
Gjatë takimit pjesëmarrësit diskutuan lidhur me çështje të organizimit dhe funksionimit të drejtësisë kushtetuese, si dhe me angazhimin e Komisionit të Venecias në procesin e reformës legjislative në Shqipëri.
