Vizitë e delegacionit të Gjykatës Kushtetuese të Shqipërisë në Gjykatën Kushtetuese të Republikës së Kosovës, 10-12 maj 2016
Kryetari i Gjykatës Kushtetuese të Republikës së Shqipërisë, i shoqëruar nga gjyqtarët, znj. Altina Xhoxhaj dhe z. Fatmir Hoxha, si dhe nga sekretari i Përgjithshëm, z. Kujtim Osmani, dhe shefi i Kabinetit, z.Aleksandër Toma, kreu një vizitë në Gjykatën Kushtetuese të Republikës së Kosovës.
Delegacioni i Gjykatës Kushtetuese u prit nga Kryetarja e Gjykatës Kushtetuese, zonja Arta Rama Harizaj, nga Presidenti i Republikës, Sh. T. z. Hashim Thaci, nga ministri i Drejtësisë të Republikës së Kosovës, z. Hajredin Kuqi, dhe Kryetari i Gjykatës Supreme të Republikës së Kosovës, Prof. Dr. Z.Fejzulla Hasani.
Në takimet e zhvilluara u diskutua për funksionimin e gjyqësorit dhe reformat në të dyja vendet, si dhe u shkëmbyen pikëpamje për thellimin e mëtejshëm të bashkëpunimit.
Gjyqtarët Kushtetues të dyja gjykatave Kushtetuese zhvilluan një tryezë të përbashkët, ku shkëmbyen përvoja respektive të gjykimit kushtetues.
