| Bookmark and Share
Përbërja
Gjykata Kushtetuese përbëhet nga 9 anëtarë të emëruar me një mandat 9-vjeçar, pa të drejtë riemërimi. Gjyqtarët kushtetues emërohen nga Presidenti [...]

Takim me Kryetarin e Gjykatës Kushtetuese të Republikës së Kosovës, zotin Enver HASANI, 07 Prill 2015

Në datën 07 prill 2015, Kryetari i Gjykatës Kushtetuese të Shqipërisë, zoti Bashkim Dedja, priti në një takim zyrtar një delegacion të Gjykatës Kushtetuese të Kosovës, të kryesuar nga Kryetari i kësaj gjykate, zoti Enver Hasani, në kuadër të zhvillimit të disa takimeve me personalitetet më të larta të vendit tonë.

Gjatë takimit u shkëmbyen mendime rreth zhvillimeve më të fundit me interes të përbashkët në fushën e drejtësisë kushtetuese, si dhe u konfirmua edhe një herë bindja për vazhdimësinë e këtij dialogu konstruktiv si një tregues i marrëdhënieve të shkëlqyera mes dy gjykatave kushtetuese.

Zoti Hasani falënderoi zotin Dedja për mbështetjen e vazhdueshme që Gjykata Kushtetuese e Shqipërisë ka dhënë për Gjykatën Kushtetuese të Kosovës.

Në takim ishin të pranishëm edhe sekretari i Përgjithshëm i Gjykatës Kushtetuese të Kosovës, zoti Milot Vokshi, si dhe i Ngarkuari me Punë i Ambasadës së Republikës së Kosovës në Shqipëri, zoti Ramiz Lladrovci.

 

© 2017 Gjykata Kushtetuese e Republikes se Shqiperise. Te gjitha te drejtat e rezervuara.