| Bookmark and Share
Përbërja
Gjykata Kushtetuese përbëhet nga 9 anëtarë të emëruar me një mandat 9-vjeçar, pa të drejtë riemërimi. Gjyqtarët kushtetues emërohen nga Presidenti [...]

Vizitë e një delegacioni të Gjykatës Kushtetuese të Malit të Zi në Shqipëri, 21-23 tetor 2015

Me ftesë të Kryetarit të Gjykatës Kushtetuese të Republikës së Shqipërisë, në datat 21-23 tetor 2015, një  delegacion i Gjykatës Kushtetuese të Malit të Zi, i përbërë nga  kryetarja e kësaj gjykate, znj. Desanka Lopičić, dhe  gjyqtarët, z..Dragoljub Drašković dhe znj. Mevlida Muratović, bëri një vizitë në Gjykatën Kushtetuese të Republikës së Shqipërisë.

Delegacioni u prit nga Kryetari i kësaj gjykate, zoti Bashkim Dedja, në zyrën e tij. Më pas delegacioni u takua me anëtarët e tjerë të Gjykatës Kushtetuese në ambientet e gjykatës, ku zhvillua një tryezë e rrumbullakët me temë “Impakti i vendimeve të Gjykatës Europiane të të Drejtave të Njeriut mbi veprimtarinë e gjykatave kushtetuese”.

Gjatë ditëve të qëndrimit të tij në Shqipëri delegacioni u prit në një takim zyrtar nga  Presidenti i Republikës së Shqipërisë, z. Bujar Nishani, dhe kryetari i  Gjykatës së Lartë, z. Xhezair Zaganjori.
 

© 2017 Gjykata Kushtetuese e Republikes se Shqiperise. Te gjitha te drejtat e rezervuara.