Sot, në datën 16.09.2021, trupa e gjyqtarëve të Gjykatës Kushtetuese, e kryesuar nga zonja Vitore Tusha, Kryetare, zhvilloi një takim zyrtar në ambientet e kësaj Gjykate me Ambasadoren e Shteteve të Bashkuara të Amerikës, Shkëlqesinë e Saj zonjën Yuri Kim.
Gjatë takimit, Ambasadorja e Shteteve të Bashkuara shprehu gatishmërinë e saj për mbështetjen e Gjykatës Kushtetuese, si dhe dëshirën për të pasur sa më shpejt të plotësuar trupën e kësaj gjykate.
Nga ana e saj, Kryetarja Tusha, pasi e falënderoi Ambasadoren për suportin e vazhdueshëm të dhënë nga Shtetet e Bashkuara të Amerikës për rinisjen e veprimtarisë së Gjykatës Kushtetuese dhe përmbushjen me sukses të misionit të saj, evidentoi punën voluminoze të kryer nga trupa e kësaj gjykate me qëllim evadimin e gjithë çështjeve të mbartura, ndjekjen e vijueshmërisë së jurisprudencës dhe evoluimin e saj.